律師為11蚊狀告農行

【明報專訊】廣州一位律師，今年收到朋友兩筆匯款共2300元（人民幣．下同），發現被正喺香江搞緊上市嘅農業銀行，扣咗11.5元手續費。鄧律師不滿農行擅自收手續費，入稟法院狀告農行維權，並已成功獲批開庭傳票，挑戰銀行嘅「霸王條款」。 《廣州日報》報道，今年3月29日，廣州律師鄧啟文嘅朋友通過農行向佢匯款1500元。鄧啟文查看帳戶後卻發現只收到1492.5元，被銀行扣咗7.5元手續費。佢走去搵農行理論，農行話3天內答覆，但鄧生一直都未收到答覆。到4月28日，朋友又匯款800元，農行又扣咗手續費4元。鄧生再次搵農行，但依然得唔到滿意答覆。 鄧啓文認為，農行不向匯款人收取手續費，反而向收款人收取手續費嘅做法違反法律規定，也違反咗《民法通則》嘅公平原則。為討回公道，6月初鄧生向廣州市天河區起訴，狀告農行廣東省分行，法院予以立案。 鄧生有三項要求： （1）請求法院判令農行退還手續費11.5元，並支付查詢費、交通費50元； （2）要求農行賠禮道歉，並廢除強行向收款人收取手續費規定； （3）農行承擔訴訟費。 立案後 農行致電求撤訴 法院立案後不久，鄧啓文收到農行電話，對方解釋稱，佢朋友通過ATM匯款，而ATM只接收100元面值鈔票，所以無法扣取匯款人手續費，只能從匯款額中扣取。對此，銀行喺ATM機上已經提示，農行希望佢撤訴。 但鄧啓文認為，農行嘅提示只係針對匯款人，並不針對收款人，咁樣嘅提示只是銀行和匯款人之間達成嘅協議，就算匯款人同意，也不代表銀行就可以扣收款人嘅錢。 「錢是小事，我在乎的不是那十幾元錢，我起訴的訴訟費都要幾十元。農行這樣的規定顯然是霸王條款，我希望打這個官司能讓他們尊重客戶。」鄧啓文話，沒有得到滿意答覆，佢堅決不撤訴。 報料電郵﹕piano@mingpao.com