徐子淇帶旺 The Mira酒席爆到明年

【明報專訊】尖沙嘴The Mira（前稱美麗華酒店），自從重新裝修之後，格調提升咗唔少，管理層噚日透露，位於18樓宴會廳，明年9月前的好日子（周末日、公眾假期等）已接近訂滿，平均每圍酒席達1萬元。小琴覺得，The Mira婚宴場地咁爆滿，四叔千億新抱徐子淇嘅名人效應應記一功。 The Mira變身，係四叔二公子李家誠嘅得意之作，去年開幕時，徐子淇同丈夫李家誠齊齊出席，當日佢笑言，呢間酒店係丈夫精心製造嘅Baby，雖不是她所生，卻令她更以丈夫為榮咁話！ 事實上，徐子淇胞妹徐子欣今年4月出嫁時，都係揀喺The Mira酒店宴會廳擺喜酒，筵開30席。徐子淇好友陳君宜，與玩具反斗城老闆鄭躬明本月結婚，亦係揀The Mira擺酒，筵開20多席。小琴覺得，徐子淇嘅親友喺The Mira擺酒，間接幫酒店做廣告，難怪酒店宴會廳爆滿啦！