書面語怎樣寫﹕粵語「AABB」

【明報專訊】早前提到，疊字是漢語中常見的詞彙結構，疊詞組合方式除了「AAB式」和「ABB式」之外，還有「AABB」式。如宋代女詞人李清照，就用了「AABB式」的疊詞寫成的《聲聲慢》：「尋尋覓覓，冷冷清清，淒淒慘慘戚戚。」粵語中，這種「AABB」式的疊字結構亦很常見，如媽媽經常都會向小朋友說：「你唔好詐詐諦諦喇。」在辦公室，同事亦會說：「老闆陰陰濕濕咁，你要小心啲佢呀！」。試按句子的前文後理，把以下形容詞轉換為書面語。同學謹記以下口語並不適合用於書面表達，要以書面語表達類近意思，請按需要運用不同的字詞代替。 (1)你唔好再詐詐諦諦喇，我知道我個銀包係你偷嘅！ -- 詐詐諦諦 →_____ (2)你唔使理佢，佢不嬲都神神化化，冇人估到佢下一步會做乜。 -- 神神化化 →_____ (3)你唔好睇老細份人平時陰陰濕濕，其實佢對下屬幾好㗎。 -- 陰陰濕濕 →_____ (4)你做嘢咁蠱蠱惑惑，點會有人會真心相信你？ -- 蠱蠱惑惑 →_____ (5)近排個股市大起大落，都係穩穩陣陣將啲錢放入銀行好過。 -- 穩穩陣陣 →_____ (6)媽咪對住鄰居就會八八卦卦，乜都可以講一餐。 -- 八八卦卦 →_____ 文：蘇真真