曼聯新波衫下周四港揭盅

【明報專訊】新一季英超球季下個月會開鑼，又係球隊波衫換新贊助商嘅時候。今年換贊助商嘅勁旅包括曼聯。曼聯嘅贊助商由AIG變成美國保險商Aon（怡安），新波衫將在下周四（15日）正式全球同步亮相。當日在香港，怡安會以曼聯球會指定贊助商身分，為曼聯新球衣舉行首度曝光儀式。當日，怡安行政人員、300名員工及一眾曼聯球迷，會出席儀式，仲會有歌星官恩娜、孫耀威作嘉賓。 據之前傳媒嘅報道，怡安4季嘅贊助費約10億港元，金額與渣打贊助利物浦差唔多。先前球迷網站「西看台」已率先將球衣嘅設計曝光，相片顯示，曼聯主場可能回復全紅加白領戰衣，從衣領到袖口有一條白色細紋。客場球衣則是白色圓領，肩膊有黑色與紅色相間的紋條。不過，究竟真相如何，下星期便會揭曉。