AIG主席唔易做 5年換6人

【明報專訊】如果要選全球最難做嘅一份工係咩，小琴會話係美國國際集團（AIG）主席一職。日前，AIG主席與行政總裁爆不和，主席阿Golub劈炮，計埋Golub，過去5年之內，AIG主席一職已經換咗6次，平均唔使一年就換一次，小琴斷估，以咁大間嘅企業計，AIG嘅換主席頻率恐怕可以入得健力士世界紀錄。根據《彭博》嘅資料，接任Golub出任嘅米勒（Steve Miller），係AIG現董事局成員，計理今次，已係5年內嘅第6位主席，過去5任，最短嘅主席只係做咗7個月，最長係2年。AIG主席，屬於非執行職位，簡單來講，即係策劃集團發展的大方向，壓力就好大。例如金融海嘯後，AIG要美國政府出手相救，但AIG卻仍然向管理層派發大額花紅，激怒美國人，當時嘅主席李迪（Edward Liddy），就成為眾矢之的，佢只係捱義氣，臨危受命出任主席，並且只收象徵式一美元嘅人工。日前劈炮嘅Golub，佢反對低價賣資產，寧願分拆AIA上市集資，但行政總裁Benmosche卻支持將AIA售予保誠，甚至降價出售也在所不惜。