新浪靚業績靠世盃

【明報專訊】去年底開始，內地嚴打網上色情內容，對新浪網之類嘅網站收入有好大影響。原本以為新浪網第二季業績會受到拖累，但日前新浪公布第二季，賺咗2520萬美元，即約1.96億港元，比華爾街嘅預測高出24％。點解咁勁揪，唔通新浪網陽奉陰違，不配合政府掃黃，偷偷哋提供黃色內容？

內地掃黃 收入大受打擊

非也！第二季新浪網盈利高於預期，係因為世界盃期間廣告收入帶動，另外即將舉行嘅廣州亞運會等大型活動，亦對廣告收入有幫助，加上新浪推出嘅微博等創新產品，對廣告收入有好大貢獻。凡此種種，令第二季新浪網嘅廣告收入勁升27％，因此抵消咗流動業務的收入下跌。去年底開始，內地打擊網絡色情內容，令新浪及其他第三方網絡流動內容供應商收入大受影響。