信銀國際搬過海

【明報專訊】九龍站甲級寫字樓環球貿易廣場（ICC），就快會有一個新嘅大租戶搬入。小琴講緊嘅係中信銀行國際，佢哋即將由港島區過海去九龍，進駐呢幢全港最高，有成118層嘅甲級寫字樓，同摩根士丹利、瑞士信貸及德意志銀行等其他國際投資銀行為鄰。

租79、80樓共兩層

老友同小琴講，中信銀行國際唔同部門，將會分批搬去九龍站上蓋。家嘅上環office會係先頭部隊，今個月27日搬過海，至於金鐘力寶中心嘅CEO office，就過多1、2個禮拜先搬。佢哋租用咗ICC嘅79至80樓兩層，老友話一層嘅面積都成2.7萬平方呎咁上下，都咪話唔大。

有中信銀行嘅老友同小琴講，佢個部門搬遷嘅日子好特別，係「911」，即9月11日。呢個日子同全港最高嘅摩天大廈連埋一起，令人有點兒不安。另外一樣令呢位老友不安嘅係，由於佢哋租住嘅樓層唔低，擔心等