星展王潔鳳 貼中港男冠軍

【明報專訊】愛美乃是人之天性，近期城中熱話當然唔少得香港先生選舉。星展香港及中國內地零售銀行業務總監王潔鳳都好「貼市」，仲話上星期都有喺屋企捧場，佢嘅心水仲係今屆五料冠軍翟威廉呢！

10號選手一直都係大熱門，王潔鳳話，一開show已經貼10號嘅翟威廉攞冠軍，覺得佢夠晒高大、靚仔，而且又有風度，對答比較其他參賽者都有幾好嘅表現，加上翟威廉喺比賽入面自選項目係表演勁舞，充滿活力！各位男士真係要學吓，點樣先可以俘虜女士們嘅心！

冇賣客戶資料 鬆一口氣

講開又講，之前星展係首間就銷售迷債相關產品上立法會接受研訊嘅銀行，家立法會議員又講緊，復會後想傳召出售客戶資料嘅6間銀行，星展之前講明無出售過客戶資料，王潔鳳都不禁話鬆一口氣，否則又被傳召。

王潔鳳講，家有一個現象，就係客戶要投訴，唔會直接搵返間機構講，反而會搵傳媒或者其他人代為出頭，不過，小琴相信好多客戶都係投訴無門先至要有進一步行動，令銀行正視，如果佢哋係做得夠好的話，就連投訴都唔會有啦！

報料電郵﹕[email protected]