「美容女王」重入董事會零反對

【明報專訊】現代美容主席（0919）曾裕，之前因為有病，所以曾經一度闊別董事會的工作，由丈夫李守耀幫手擔任主席。

老公反對票最多

不過，自從今年4月曾裕返去現代美容做主席兼行政總裁之後，噚日曾裕更加以「零反對」重選入董事會，強勢連任，反映「美容女王」的名銜確實非同凡響。同樣都係董事李守耀就差過太太喇，雖然只有0.047%的反對票，但已經係反對票最多嘅重選董事。

曾裕其實當時辭任董事會，除咗健康問題之外，就係因為唔想對住繁重嘅Paper work（文書工作）。舊年年尾，董事會地震，走咗3個董事，小琴以為曾裕只係返去一陣，整理一下局面。曾裕今次強勢重選，證明佢可能想大幹一番，又或者可能係自從做返董事之後，開始享受Paper work了。