內地報紙話 聯想進軍電玩

【明報專訊】內地個人電腦大阿哥，認真多諗頭，除咗搞智能手機，以及類似ipad嘅平板電腦「樂pad」之外，又想進軍電子遊戲市場。據《中國日報》報道，聯想已成立新部門，針對中國市場發展電玩遊戲機，直接挑戰微軟及索尼（Sony）。

聯想已派遣約40名聯想工程師赴北京eedoo科技公司，該公司將負責開發和行銷「eBox」遊戲機。聯想、其母公司聯想控股(Legend Holdings)，以及私募股權公司聯想資本，共同投資北京eedoo科技，但並未透露投資金額。不過，聯想方面似乎暫時要保持神秘，佢哋同eedoo科技高層，都未對此傳聞作出回應。

為咗使經營多元化，聯想去年才在中國推出智慧型手機，並已宣布進軍平板電腦嘅計劃。