張化橋出書 剖白16年股市心路

【明報專訊】瑞銀投資銀行中國部副主管張化橋，平時會喺自己個博客上寫吓文章，今個月佢更加會出本書。張化橋話，本「小書」名叫《一個證券分析師的醒悟》，中信出版社9月出版，香港版11月出街。

離任分析員後 方領悟股市

呢本書係佢由股票分析員到上市公司深圳控股（0604）首席營運官，再到做投資銀行16年間對股市睇法嘅一個小結。佢話最近兩年投資理念發生咗很大變化（猶如宗教信仰嘅轉變）。

張化橋話：「我的悟性不好。直到2006年從股票分析員崗位退役以後，我對股票好像才有了些許領悟。本書解釋了我如何棄以前所學的知識。」

張化橋會將本書嘅所有稿費，樂觀預計約20萬元，提前通過政府捐贈畀佢母校湖北省荊門縣馬良中學。