父半退休　盼仔女陪入馬場

【蘋果日報】年屆七十的蝦王系馬主劉錫康早已退下火線，多隻愛駒如「旺蝦王」則仍獨領風騷，風頭未減。做生意、養馬半輩子的他，除了鼓勵子女創業，亦希望到耄耋之年仍有人陪他到馬場。
劉錫康家族數代皆是生意人，父親打理家族鴨場生意，自己則乘工業起飛的快船，創立電子用品生產商升岡國際，曾成為上市公司主席。「嗰時每半年嘅業績會，真係好大壓力。後期製造業喺內地式微，百物騰貴，樣樣都好惡做，就決定唔再做廠。」
他十分支持子女創業，大兒子劉日東在泰國開設度假村，二兒子劉日申從事電燈生意，而女兒劉津津投身迷你倉事業。「雖然個女話（迷你倉）蝕底、唔靚仔又唔fancy、講出嚟好似好核突，但搵到錢就得。」
過着半退休生活的他，每天仍堅持工作四小時，但對養馬始終更有興趣。他對女兒中籤成為馬主頗為興奮，為她在法國及澳洲尋找靚馬，又向她「過兩招」，「馬主要有耐性，好似做生意咁。買一隻好馬返嚟，好多（馬主）好急進，睇可以贏幾多場馬，係錯㗎。一隻馬跑壞咗一場，要好耐先pick up返，或者根本一生都pick up唔返。」