【網購食物：邊啲係高風險組合📋？】

食安妹妹：想知道網購嘅餐點係咪屬於高風險組合，請填寫以下問卷📋

🔍食物本身係咪生或者未徹底煮熟，或者含有生或者未煮熟嘅食材呢？

🔍食物由製作完成起計，係咪需要長時間先可以送到你手上⌛？

🔍喺運送呢款食物嘅過程，係咪需要嚴格嘅溫度控制呢🌡️？

食安仔：如果答案係「YES」，就應該考慮清楚自己係咪能夠承受呢啲高風險嘅食品🧐。

高蛋白或高水分，呈弱酸性嘅食物，例子包括蛋沙律三文治🥪、忌廉蛋糕🍰、壽司、刺身🍣等，有利於細菌繁殖而容易腐壞😱，加上消費者喺食用前唔會加熱，微生物嘅食安風險已經唔低。

如果餐點喺配製後仲要經過長途或長時間運輸🛵先送到俾食客，過程中又無實施嚴格嘅溫度控制🌡️（例如就咁放喺室溫），細菌大量滋生嘅機會及微生物風險亦會增加。為咗保障食物安全，揀啲風險較低嘅組合，即係徹底煮熟嘅食物，同埋留意運送嚟嘅食物溫度，就比較穩陣。