【生熟・分開走 － 購物遇見篇】

旁白：#年輕版湯嬸 向左走⬅️，#少年版湯叔 向右走➡️，佢哋不曾遇上，好似生熟食物咁保持一定距離。直到有一日，佢哋喺超市偶然遇見👫，互相交流預防交叉污染嘅心得。 

#湯嬸：喺購物手推車入面，我會將即食食品同埋熟食（例如袋裝麵包🍞、罐頭食品🥫、保鮮紙包裝嘅燒味等🍗）放喺上層；而生嘅肉類、家禽同海產（例如冰鮮豬肉🥩、雪藏雞翼🐔、雪藏蝦等🦐），我就放喺下層，以免生食嘅汁液污染到其他食品。 

#湯叔：為咗預防交叉污染，我仲預備咗唔同款式嘅購物袋👜，分開貯存生嘅食物，以及熟食/即食食品，避免生食可能帶有嘅致病菌（甚至「超級細菌」）傳播到熟食／即食食物上。 

#湯叔：估唔到😳⋯⋯我哋喺確保食物安全方面都幾夾喎⋯⋯