「不想努力嘉年華年宵市集」LIFE MART x 啱Channel

時間 :
5/2、8-10/2 》》13:00-20:00
6/2 (六) 》》12:00-22:00
7/2 (日) 》》12:00-21:00
11/2 (年三十) 》》 13:00-22:00

所謂: 可以hea的話，不會郁~
年年都恭喜發財、橫財就手。或者今年想識到阿姨，大家都好似不想努力，就可以發達。

但其實大家都知道，最終都係要靠自己努力去改變，大家都會默默地努力去生活。所有不想努力嘅願望，只係提醒自己。縱使有些願望好似遙不可及，但只要堅持、不放棄，相信總會有實現嘅一日。

哩一年多，大家都累了，長期被困在窒息的城市空間裡，亦離不開香港往外地走。就來這裡，欣賞及支持本地文創，行年宵同時來放空一下。

每一次搞市集，LIFE MART都相信一樣野，市集並唔係單純消費，今次年宵我地都係同樣想法，難得今次有淺水灣咁大個場，要好玩要好行要舒服要有交流，今次活動真係令人諗到痴左線，但係可以比你行夠玩夠開心夠一日! 冇人講我講，臨近情人節講埋你知，其實商場隔離鎮海樓公園重有月下老人，比你求埋姻緣! 去玩去癲嚟淺水灣~

一系列活動等你來參與!! 包括挑戰你口才嘅「啱channel 急口令」 、挑戰你極限嘅「掙扎吧年青人運動會」、一班人陪你玩「枕頭大戰」、「阿姨個野冇壞」瘋狂夾獎品、「放氣年青人手動賽車 ＋ 執埋你個腦大賽」、「不想努力著褲比賽」、「用人地隻腳既足球賽」，仲有「香港愛情文憑考試: 愛情(三)不想努力卷目」。

投稿活動
除咗有得玩之外，仲有投稿活動:

• 交換心情活動: 無論心情好與壞，在乎溝通與關懷，有時將你的心情放下，交換牆上別人的心情離去，可能都係一件幾有趣的事，無論係放負定係放低一件喜事，都歡迎呀!
• 祈福投稿牆: 新一年最重要就係祈福，今次市集有 LIFE MART的 一姐/十妹 “馬仔” 所繪畫的祈福符。除左有得係投稿牆見到佢地，今次重有得扭蛋同埋限量送出小量，記得去支持下佢呀!
• 壞時代一齊做好自己: 有睇過啱channel都知道佢地既Youtube Channel Cover係哩句野，到底壞時代你可以點做好自己? 到底係飲多杯水，定係健下身做下運動呢，不防寫低你做好自己的方法同人交流下!

賀年活動
話到明年宵市集，又點少得賀年活動!!

• 含蓄揮春: 今次謝謝充滿愛嘅友好藝術家 含蓄先生 送出新設計的揮春，每日數量有限，免費送出。
• 印印印牛年限定有肌印章: 今次謝謝 LIFE MART 的十項能全helper “Kaki” 製作的肌肉牛年限定印章，大家可以自備利是封或紙過來免費印!
• 即場絲網揮春 – 不想努力系列: 今次LIFE MART同啱channel合作推出「不想努力」系列揮春，過年最重要係咩? 緊係 「不想努力、身體健康」啦，記得來整番個揮春賀下佢呀!

繼續仲有不想努力識朋友系列，過左年就情人節，今次LIFE MART又化身月老為你牽紅線! 再次推出新活動幫你撮合同認識新朋友! 包括不想努力識朋友扭蛋 、隨機筆友明信片交友活動、不想努力年宵任務 。包你估唔到個年宵任務係有幾唔想努力!

放置性活動
除左以上活動，今次LIFE MART有別於以往，咁關心你陪你一齊玩，知道年青人係需要D空間，今次我地重有一啲放置性活動比你自己走去試，如果怕自己一個玩太獨既，試下問下我地既helper，可能佢地都會陪你玩架。
 

• 無敵風火輪: 今次場地的天台，我地會放置幾個大圈圈比你試下體驗幼稚園的圈圈爬行活動，Come on 來試下哩個無敵風火輪啦!
• 彈彈下又彈彈下: 天氣咁好，不防試下去天台玩下哩個可以彈出又彈入的彈跳球，做下運動啦！年青人。

紙品區
雲集了台灣、澳門、香港插畫師、設計師、攝影師的作品，單是明信片就多達 2000款，「明信片控」絕不能錯過。除了明信片，還會有紙膠帶、貼紙等作品，喜歡紙品的朋友一定一要來逛。設有「慢遞服務 - 未來信件」和「一般代寄服務」。

手帳玩樂區
免費任用紙膠帶、貼紙、印章、顏色筆，讓大家親手製作一張明信片或心意卡。我們會提供限量的空白明信片卡紙給大家使用，亦歡迎向我們另購。

遊戲區
設置童年遊戲區，如擲彩虹、釣水球、撈鴨仔、眼疾手快遊戲、射擊遊戲等等。
邀請大朋友、小朋友重新回味一下那些簡單但趣味無窮的遊戲。

工作坊
現場儲有不同的工作坊哥以現場報名參與，例如 : 捕夢網 工作坊，拇指琴 工作坊、彩繪風鈴 工作坊。

LIFE MART扭蛋區
會今次市集主題扭蛋襟章，以及有 LIFE MART 自家創作 / 與不同插畫師聯乘的扭蛋。


即場寫揮春活動
今年繼續邀請了 @kuric.words 來到現場同大家寫揮春，同上年一樣都係會以自由定價形式進行，同樣會將所有收益不扣除成本全數捐出去(受惠機構待定)。@kuric.words 的駐場日子會再公佈。

Hong Kong Really Really Free Market
中文譯名為「任睇任擺任攞」。HKRRFM嘗試尋找有別於現實的「烏托邦經濟」空間。一個不求任何代價，不牽涉任何金錢或物質上的交易，純粹是人與人之間的「給予」和「分享」，而且不限於物品。
RRFM 規條:
1. 不牽涉任何金錢或物質上的交易
2. 鼓勵「給予」與「分享」
3. 歡迎任何人士自由參加
參與方式很簡單:

• 把家裡沒用、想給其他人使用的物品帶到RRFM (給)
• 帶走在RRFM看到喜歡的物品 (取)
• 與他人分享你擅長的小服務，如占卜、美甲、肖像畫 (給)
• 享受別人分享的服務 (取)

市集紀念品
市集會派發不同紀念品，數量有限，送完即止。

另外，啱channel不同嘅KOL都會隨時係年宵出現!! (確實時間表會陸續更新)