【水果洗白白】正確清洗水果方法

#食安仔 ：夏天有咁多水果當造，食之前記住用水清洗，有助去除水果表面嘅塵埃、污垢同埋細菌。 
#食安妹妹 ：咁要唔要好似洗手或者洗碗咁，加啲梘液或者洗潔精等洗得乾淨啲？又或者浸吓啲水果呢？
食安仔：要有效清洗水果，好似提子🍇咁，應該放喺流動清水下徹底沖洗；至於表皮堅硬嘅水果，例如哈密瓜或者蜜瓜🍈，就可以用清潔嘅水果專用刷去刷洗表皮。將水果切開或者去皮之前沖洗水果，可以避免刀具將污垢及細菌帶去果肉度。 
長時間浸泡水果容易令水溶性嘅營養素流失，而用梘液或者清潔劑嚟清洗水果❌，有機會導致化學物殘留喺水果度，最後食埋落肚😱！ 
#食安小隊 ：就咁講都唔夠清晰，不如一齊睇片了解吓點樣清洗水果先啱啦，去片📽！