【⚡️停電雪櫃啲嘢食點搞？唔好開道門啊！❄️】

新界西出現大規模停電報告！雪櫃因停電導而無法製冷，我哋又要點樣確保食物安全呢？留意三點：
🌟停電期間，記得要留意返幾時開始停電。
🌟避免打開雪櫃門；雪櫃同冰格門閂緊，有助延長儲存食物嘅時間。
🌟停電4小時後唔好以試吃來判斷食物可唔可以安全食用，因為食物嘅味道或氣味未必會變壞。
💡〈解說〉
🙅‍♂️忌：打開雪櫃同冰格
🦠細菌响攝氏4度至60度溫度🌡️範圍內會迅速生長，响停電期間雪櫃同冰格唔能以安全溫度儲存食物；而關緊雪櫃同冰格，有助延長維持適當儲存溫度嘅時間。
雪櫃內嘅食物必須儲存响攝氏4度或以下，而冰格內嘅食品則必須儲存於攝氏零下18度或以下，先能抑制細菌及其他微生物的生長。
如果雪櫃同冰格門保持關閉：
❄️雪櫃可安全保存食物2至4小時。
❄️全滿嘅冰格可保存48小時；而半滿嘅冰格則可保存24小時。
❄️所以，知道何時開始停電⌚️，就可判斷出邊啲食物可供安全食用。
🙆‍♂️宜：電力恢復後遵從「4小時/2小時原則」
❄️停電4小時後唔好以試吃來判斷食物可否安全食用，因為食物嘅味道或氣味未必會變壞。
❄️如果唔肯定易壞食物係咪安全，應直接丟掉。
❄️另外，可响室溫下儲存嘅食物較不易變壞，若存放响雪櫃或冰格內，即使停電亦未必須要即時丟入垃圾桶。