【擊破漢堡肉餅的食安迷思】

【擊破漢堡肉餅的食安迷思】
#Burger_Lightyear（#湯叔 飾）：（激光——🍔）地球有危險！有提供漢堡包嘅餐廳，供應未完全煮熟嘅漢堡肉餅！消費者食咗有可能導致食物中毒，或者感染到抗菌素耐藥性嘅微生物。
食安中心嘅一項研究發現，食物處理人員🧑🏻‍🍳對烹製漢堡肉餅存在一啲迷思，等我嚟同大家逐一擊破，最後再分享製作Juicy又安全嘅漢堡肉餅嘅秘技✨。
*******************************
🔮迷思1：肉餅嘅表面變啡，代表徹底煮熟？
錯！食物處理人員憑感官👤（顏色、質地等）嚟判斷煮熟程度同確保食物安全並唔太可靠。碎肉有可能喺未達到建議嘅食物中心溫度（攝氏75 度）前，已經提早出現褐變（轉成啡色），呢個情況嘅出現有可能係受碎肉喺烹煮前暴露喺空氣中嘅時間、酸鹼度等因素嘅影響。 
正解： 要確保碎肉徹底煮熟，應使用食物溫度計，量度食物嘅中心溫度🔥。
*******************************
🔮迷思2：食咗半生熟漢堡肉餅後唔舒服，係因為對生肉過敏？
錯！係食物中毒，而非食物過敏。 
正解：半生熟漢堡肉餅無經過足夠嘅熱處理殺死致病菌🦠，容易引起食物中毒，常見病徵有腹痛、肚瀉、噁心、嘔吐🤮等。
*******************************
🔮迷思3：優質嘅肉製成嘅漢堡肉餅就無須煮熟？
錯！生嘅原塊牛扒經煎烤後，布滿肉類表面嘅細菌會被殺死。不過，當肉被絞碎製成漢堡肉餅，生肉表面嘅有害細菌會散布到整塊肉餅😵‍💫 。
正解：所有漢堡肉餅，不論幾優質或昂貴，都可能含有致病菌，都要徹底煮熟呀😤。
*******************************
🔮迷思4：漢堡肉餅煮至全熟會影響其品質？
錯！有人認為全熟嘅漢堡肉餅一定又乾又韌。其實，可能係因為漢堡肉餅煮得過咗火，遠高於所需嘅中心溫度😲。 
正解：運用食物溫度計，溫度適中又唔會過熟。
*******************************
Burger Lightyear：要煮出既Juicy又安全嘅漢堡肉餅，除咗要跟足「#食物安全五要點」，仲可以參考以下幾招：
🍔製作漢堡肉餅前將水加入肉中，有助喺烹煮過程中保持肉餅嘅水分💧
🍔避免過早喺漢堡肉餅中加入調味料，咁樣會吸走肉中嘅水分
🍔煮嗰陣，唔好按壓漢堡肉餅，以免肉汁流失
🍔避免用過高嘅熱力🔥🔥，以免漢堡肉餅表面過熟，而裏面未熟透
要了解詳情，睇呢度：
https://bit.ly/3zQUp7W