【會飛的寶石．三角麗翅蜻💎】

喺郊野見到一粒閃令令✨嘅寶石飛過，想去尋寶？ 😌 睇真啲！？原來係三角麗翅蜻嚟㗎😎～
三角麗翅蜻屬於小型蜻蜓，體長只有2.5至2.8 厘米 ，翅膀近胸口位置有耀眼嘅金屬色！喺陽光照射下，反射出嘅光芒好似寶石一樣吸引眼球呀👀✨～單憑肉眼就分到佢地性別，因為雄性係金屬藍色🟦，雌性係金屬黑色⬛。
由於佢嘅飛行速度比起其他蜻蜓慢，都有唔少人誤會佢係蝴蝶！雖然名字優雅又慢條斯理，但其實佢係肉食性，會捕捉體型細小嘅昆蟲食！
知多啲👀～
三角麗翅蜻鍾意喺沼澤同池塘棲息，成日都企係草尖上面🌿，非常搶焦📸。佢嘅拉丁學名”triangularis”有「三角形、與三角形有關」嘅意思🔺。三角麗翅蜻喺香港分布廣泛，每逢4到9月，喺大埔滘自然護理區會有機會遇到呢粒閃爍嘅寶石✨。