【識煮識食．貝類海產】

湯嬸：今日行過見到街市啲蜆呀、扇貝呀、蟶子又平又靚！正所謂「小朋友先做選擇」，我就全部買晒返嚟，炮製一個貝類蒸鍋大餐！

湯叔：不過，煮同食呢啲貝類之前，有好多功夫要準備㗎喎。如果唔係，有可能會食咗受微生物或貝類毒素污染嘅食物㗎⋯⋯

湯嬸：放心啦！我跟足 #食安仔 嘅食安貼士嚟減低風險㗎。

煮前先洗擦外殼 
喺可靠嘅店鋪選購貝類，用清水將外殼洗擦乾淨，如果發現貝類嘅外殼破損或者打開咗，就唔好要。

去除貝類內臟 
一旦貝類喺生長過程受到污染，貝類毒素例如痲痺性貝類毒素，就有機會積聚喺貝類嘅體內，特別係內臟。貝類毒素一般都係耐熱嘅，即使高溫烹煮都唔能夠消除，所以煮之前，要先將貝類嘅內臟及生殖腺清除。

避免連汁吃 
有啲貝類毒素會溶喺水，所以烹煮貝類後嘅汁可免則免，盡量少放入口。

適量進食 
煮熟咗嘅貝類，亦要按均衡飲食嘅原則，適量進食。

貝類毒素研究篇：http://bit.ly/3ioaeMC