疫情下要保護自己 避免外出

近日疫情急劇變化，我哋勸籲各位老友記，為保護自己免受感染，應盡量留喺屋企，避免外出。

如果識得獨居或其他有慢性疾病嘅長者，家人同親友可以打電話問候同關心佢哋，睇吓需唔需要提供幫助。

提醒佢哋記得時刻保持個人同環境衞生，經常保持雙手清潔，尤其喺觸摸口、鼻或眼之前；洗手時應該用梘液同清水清潔雙手，搓手最少20秒。

確保去水渠嘅U型隔氣管有足夠嘅水，每星期將半公升水倒入所有排水口。

老友記亦可以請家人或親友幫助購買生活必需品；大家應該避免正面接觸，可以將物品放在門外。

老友記當收到物品後，要先清洗物品同清潔雙手。🙌

如果仲未打針嘅老友記，應盡快打第一及第二針，打咗第二針六個月後盡快打第三針，增強保護！💉

👉🏻衞生署長者健康服務網站「疫境同行」