🛣️五臟養生之旅 由「心」出發♥️

健康一向好重要。疫情之下，相信大家更加重視身體調養，而中醫保健係好方法之一。
調和人體五行，即五臟之間嘅平衡狀態⚖️，有助保持身體健康。中醫養生講究養心、潤肺、舒肝、健脾同藏腎。
小編以五臟為題，同大家分享身體不同部位嘅養生攻略。📜✅
今日，跟醫院管理局小編由「心」出發啦！❤️心，五臟之中嘅君主，加上正值夏日，夏天屬火，🔥火氣通於心，夏季與心氣相通容易心火旺盛，所以小編先喺夏日同大家分享心嘅護養。
心主血脈，為心嘅健康，我哋應避免過度疲勞，少吃高鹽高脂嘅食物，亦不宜情緒起伏過大。中醫有養心先養神嘅說法，神即係精神，養神一忌過度耗神，二要保持心平氣和。（記住唔好激心啦！❤️💢）
其次，可以由飲食著手，西瓜可以清心煩、蓮子、紅棗、小麥可以養心安神，都係利心嘅食物。💝
想一展廚藝嘅朋友可以試下整「三紅」糖水：紅棗紅糖紅豆沙！紅棗安神，紅豆健脾，紅糖暖胃，三者皆補血。親手煮俾親朋好友食，將大家嘅夏日都填滿紅色心心❤️❤️~ （係甜到入心啊❣️）
🔴紅棗紅糖紅豆沙🔴
制法：適量紅糖（血糖關注人士可適量減少）、紅棗十五個（去核）、紅豆半斤（預先浸泡約三小時），加入足量嘅清水（水同材料比例大概2：1），慢煮30-40分鐘即可。
跟住落嚟，醫院管理局小編仲會介紹其餘四臟嘅養生之旅，記住繼續留意啦！