5前市局議員同入立會

【明報專訊】新一屆立法會議員，屈指一數，喺呢70人裏面，除咗有19個係現任區議員，原來有5人做過市政局或區域市政局議員，呢5個人齊齊入立法會，或者可以組織「市政局同學會」，一齊喺立法會傾吓衛生同康樂等市政議題。


政府喺2000年「殺局」，市局同區局議員齊齊「失業」，但係當年其中唔少人到家仍然活躍政圈，新一屆立法會議員，就有王國興、鍾樹根同埋胡志偉曾經喺末代市政局共事；至於末代區局，代表就有何俊仁同梁志祥。有入當然有出，現屆嘅甘乃威同李華明唔選，黃成智同李永達落選，否則市政同學會會員仲多。


舊人有聯繫組織搞聚會

鍾樹根話，當年政府殺局後，由於工作地區唔同，所以好少同王國興同胡志偉聯絡，不過，市政局一班舊人其實有一個聯繫組織，差唔多每兩個月就有飯局聚會，好多前議員都有出席，見面傾吓偈，無分黨派。就好似佢係民建聯嘅人，但民主黨李華明去飯局，大家都會把酒言歡。樹根仲同Emily話，話佢哋唔會好似「