聯想推windows 8平板電腦

【明報專訊】雖然微軟仲未正式推出Windows 8，但聯想（0992）已經話要湊湊熱鬧，噚日率先宣布推出配備Windows 8嘅平板電腦，預計12月正式上市。呢款產品叫IdeaTab Lynx，11.6吋屏幕，可配備鍵盤基座，電池可以使用16個小時。


不過，市場對聯想最關注嘅，仍然係早前推出嘅可翻轉式筆記型電腦，即係部電腦係用可觸碰式屏幕，鍵盤可以摺埋，隨時變身做平板電腦。


聯想CEO楊元慶已多次話，平板電腦正威脅傳統電腦嘅市場。近年多次推出新產品，相信係想搶走蘋果同三星嘅市場份額。


不過市場嘅反應就唔多好，根據國際數據資訊（IDC）嘅數字，第2季所有配備Windows嘅可翻轉式平板電腦銷售為15萬部，同一時間，蘋果iPad 2出售量高達1700萬部。