林鄭英國蘇富比傾合作

【明報專訊】政務司長林鄭月娥外訪風塵僕僕，噚日喺倫敦跑咗幾場，仲喺晚宴同英國財政大臣歐思邦會面，就香港同英國喺各方面嘅合作交換意見。


林太今次出訪，除咗見官員同政商界人士，仲有少少涉及藝術之旅，噚日佢就去咗蘇富比藝術學院參觀，探討雙方喺香港提供藝術培訓同教育嘅合作。


呢間學院係頂尖藝術機構，為有志於藝術事業嘅人士提供培訓課程。林太亦有去參觀白立方畫廊，佢話呢間畫廊係英國知名當代藝術畫廊。林太已經完成英國之旅，家已經人在西班牙，繼續佢嘅歐洲之行。