民建聯益街坊 廿蚊睇《寒戰》

【明報專訊】民建聯被網民嘲笑佢哋向選民提供「蛇齋餅糉」，吸引選民支持，但係到咗今時今日，政黨都要講求進步，有網民發現，民建聯觀塘區議員柯創盛最近搞平價睇戲益街坊，居民想睇近日好hit嘅港產片《寒戰》，只需畀20蚊就可以。


不過，咁筍嘅事唔係成日有，從海報所見，呢場20蚊睇戲活動，會喺今個月25號星期日上午10點喺淘大影藝戲院放映。雖然係早場，但優惠都算幾抵，從海報寫住「反應熱烈，加開一場」所見，相信都幾多居民報名。