獨立音樂人：自憐不如唔好玩

【明報專訊】是次走訪的印象，香港玩音樂的群體，至少從人數上看，不應該是那麼小眾邊緣的事兒，但公眾一直恍如不覺這群人的存在。「主流想像裏不把band sound、indie sound當是文化重要組成部分，認為古典樂、中樂才是藝術，被呈現得好高檔，夾band就描繪到似流浪狗一樣。另一方面，部分做音樂的人也沒有真正好想去拉闊件事，一直都比較離地。」


活化工廈後無咁龜縮

玻璃幕牆商廈，由觀塘apm和九龍灣MegaBox兩邊逐漸向牛頭角侵蝕過去，適合搞音樂的地方愈來愈少、愈來愈貴，阿珏倒是一開口就說好的一面，「活化工廈之後，我覺得有好處的，啲人對社會無再咁龜縮。以前唔鍾意就匿埋寫歌去鬧，其實好政治潔癖；到最後個蝸牛殼都開始無時就會醒囉。所以我覺得最大分別是多咗人走出來」。租金狂加，音樂人目前尚以數隊band夾租的形式嘗試適應，阿珏不言氣餒，「比如東京，地方貴到想租個band房自用係無可能的，全是時租，但都出到好多好勁的band；大陸有朋友每個月搵得800蚊，會去買支8000蚊的結他，租啲好平、又寒又濕的防空洞來夾band，香港你再窮都搵到6000蚊一個月吧。我有時覺得主流塑造到獨立音樂好慘好可憐，然後好多band就受咗薰陶，真係有種自我憐憫，覺得好辛苦呀、捱呀，其實唔好成日夾band夾到好似要殉道咁啦，咁慘就唔好玩了。雖然有個制度束縛住，但亦都真係好玩，一定有回報才會咁多人繼續做，那回報就係開心囉」。