海洋公園膺全球最佳主題公園

【明報專訊】海洋公園又有好消息！除咗入場人次同業績屢創佳績，仲攞咗主題公園界嘅奧斯卡大獎，成為全球最佳主題公園。今次係全亞洲首個主題公園得到呢個殊榮，唔怪得公園主席盛智文開心到見牙唔見眼，話今次係港人嘅光榮。


呢個獎係Applause Award，每兩年頒一次，每次都吸引全球主題公園參加，盛智文話唔知香港迪士尼有無參加，但佢話1980年到家，已經有16個公園得獎，第一個得獎者就係美國迪士尼Magic Kingdom。今年大會喺四月就選出三強，海洋公園最終擊敗法國嘅Puy du Fou同美國嘅Santa Cruz Beach Boardwalk，成為全球主題公園一哥。


兼奪3項卓越大銅鈴獎

除咗呢個大獎，海洋公園仲攞到國際遊樂園及景點協會3項卓越大銅鈴獎，勝出項目包括數碼市場推廣、最佳整體製作，同埋視覺展示。今次海洋公園咁威水，會唔會加人工鬆手啲獎勵員工呢？盛智文話向來對員工不薄，加幾多就講唔到，淨係話員工待遇好過傳媒喎。