慢必 自爆初戀做小三

【明報專訊】立法會議員「慢必」陳志全出櫃後愈來愈紅，噚日仲喺網上電台大談情史，話大學一年級時與初戀男朋友邂逅於海灘，一見鍾情，為對方放棄一切，因為當年無手機，所以放棄住大學宿舍同埋停止課外活動，每日就係返屋企等情人電話，因為當年佢係「小三」，能得到情人眷顧就滿足。


慢必話同初戀情人嘅關係維持咗大概12年，由大一暑假開始。佢話當年自己外貌似已故歌星陳百強，所以吸引到男友注目，而自己當時都唔知點解咁迷對方，「好鍾意佢，好死心塌地」，佢話或者係白羊座嘅緣故。慢必自爆當年係小三，等咗4年先等到男友同另一伴侶分手，「我愛情都幾專一，我認為我鍾意，就會傾盡全力」。


選舉期有過忘年戀 無時間傷痛

無奈兩人最終分手收場，慢必話都有過其他關係，而對上一次就係同一個細佢十幾年嘅