林鄭致電長毛 請長津高抬貴手

【明報專訊】長者生活津貼（長津）撥款到家仲未表決，皆因社民連梁國雄一直喺立法會拉布，唔知政府係咪擔心沒完沒了，連政務司長林鄭月娥（前排右二）都好擔心唔知幾時會通過，所以致電長毛，請佢高抬貴手唔好再拉布，但表明政府如果讓步，就會好難管治落去。但長毛話，希望政府喺香港可以負擔嘅情况下唔好難為長者，又強調唔係反對長者拎長津。立法會財委會聽日又傾長津，唔知長毛又會點做呢？


雖然為長津搞到咁煩惱，但噚日林太出席潮州商會會董就職典禮時，同成班潮州幫一齊時仍然笑容滿面。