新聞類別
財經
詳情#
【明報專訊】小琴平日對電影情有獨鍾，前兩日聽老友講，瑞安房地產（0272）旗下個佛山「嶺南天地」，禮拜三有套《詠春》紀錄片首映，編劇、旁白竟然係瑞安主席羅康瑞本人：咁有噱頭，梗係要去八卦吓啦。去到先知，原來羅生唔單止拍《詠春》，原來佢自己細細個就師從葉問關門弟子正式學過一輪，啲基本功至今都keep得好標準：唔怪得一路喺台下捧場嘅太太朱玲玲，都睇得目不轉睛、笑容滿面啦。
羅生今次拍《詠春》，認真花咗唔少心思：為咗打響嶺南天地個文化招牌，呢齣紀錄片前後花咗半年時間，投資咗成200幾萬，羅康瑞仲親自落手落腳客串。終於等到首映，當然要帶埋太太一齊開心分享啦。
客串《詠春》紀錄片 軟銷「嶺南天地」
原來羅康瑞真係半個詠春專家，15歲嗰陣就開始拜師苦練，雖然至今已經有20幾年冇keep住訓練，現場展示幾下功夫都仲係似模似樣：小琴睇唔出殺傷力有幾大，但就連葉問徒孫都當場讚佢基本功紮實，台下朱玲玲就一邊笑住睇一邊不停按相機，場面不知幾冧。 活動結束之後，羅生私下透露，朱玲玲一直都未見過自己打詠春。有記者就順勢問，第日有冇興趣一齊練習？羅生個回答都夠晒搞笑：「我係保鑣，佢使學咩？你哋應該叫朱玲玲畀錢我先得架嘛。」
佢仲話，詠春其實好鍛煉意念，真係教到自己點樣把握人生宗旨，所以自己幾十年都極少發脾氣，更加會尊重他人、唔會遲到喔。見羅生咁撐呢樣傳統文化，小琴都想為傳播詠春出一分力量，但一聽講初頭練紮馬要一個pose擺大半個鐘頭，即時有啲想縮沙。
email:piano@mingpao.com
羅生今次拍《詠春》，認真花咗唔少心思：為咗打響嶺南天地個文化招牌，呢齣紀錄片前後花咗半年時間，投資咗成200幾萬，羅康瑞仲親自落手落腳客串。終於等到首映，當然要帶埋太太一齊開心分享啦。
客串《詠春》紀錄片 軟銷「嶺南天地」
原來羅康瑞真係半個詠春專家，15歲嗰陣就開始拜師苦練，雖然至今已經有20幾年冇keep住訓練，現場展示幾下功夫都仲係似模似樣：小琴睇唔出殺傷力有幾大，但就連葉問徒孫都當場讚佢基本功紮實，台下朱玲玲就一邊笑住睇一邊不停按相機，場面不知幾冧。 活動結束之後，羅生私下透露，朱玲玲一直都未見過自己打詠春。有記者就順勢問，第日有冇興趣一齊練習？羅生個回答都夠晒搞笑：「我係保鑣，佢使學咩？你哋應該叫朱玲玲畀錢我先得架嘛。」
佢仲話，詠春其實好鍛煉意念，真係教到自己點樣把握人生宗旨，所以自己幾十年都極少發脾氣，更加會尊重他人、唔會遲到喔。見羅生咁撐呢樣傳統文化，小琴都想為傳播詠春出一分力量，但一聽講初頭練紮馬要一個pose擺大半個鐘頭，即時有啲想縮沙。
email:piano@mingpao.com
回應 (0)
