蔡素玉政綱擺溫總上枱

【明報專訊】雖然港區人大代表選舉係另一場小圈子選舉，但近日各有意參選人士已顯露「戰鬥格」，積極印製政綱向選民拉票。其中，競逐連任嘅民建聯蔡素玉更擺埋國務院總理溫家寶上枱。


稱被內媒讚為「多產代表」

蔡素玉喺10頁彩色印刷嘅政綱入面，強調自己出席率高、提出嘅建議被內地傳媒讚為「多產代表」，更話喺2008年時，提出將環保納入兩地交流範圍嘅建議獲溫總接納。


首次參選嘅工聯會理事長吳秋北，知名度較其他競逐連任嘅人低，佢特地為政綱印咗一輯西裝宣傳照，但唔知點解，印出嚟嘅相像素唔多夠，起晒格仔，嘥晒。