長者天氣網放大功能更貼心

【明報專訊】愈嚟愈多「老友記」鍾意行山行街，出門前都會留意最新天氣狀况，確保著夠衫唔會冷親。天文台同長者安居協會噚日公布，攜手推出全新嘅「關顧長者天氣資訊網站」，增設「放大鏡」同「天氣警示」等功能，令長者上網時好方便就睇到天氣資訊。


長者入去呢個網，如果當日有天氣警告，例如寒冷天氣警告生效，一入到網頁就會有警示聲響，而且仲有新視窗彈出嚟，提示長者天氣狀况。網站會用較大嘅字體方便長者閱讀，仲增設「放大鏡」功能，開啟功能後，滑鼠觸及嘅區域都會放大，確保睇得清楚。


天文台話，舊版嘅長者天氣網，因為設計簡單，使用率低，所以今次喺長者安居協會協助下，搵咗幾個長者幫手畀意見，希望新網站能更貼近長者需要，增加使用率。


■新網頁網址﹕http://elderly.weather.gov.hk