譚志源講中央撐梁 飛龍應聲墜落

【明報專訊】有時真係好難解釋，話說政制及內地事務局長譚志源噚日喺北京見傳媒，引述港澳辦副主任華建話如何堅定不移支持梁振英施政。點知，一提中央支持梁振英嘅時候，譚志源後面嘅易拉架「飛龍」標誌直幡突然跌下，連佢自己都被嚇一嚇。


好彩局長處變不驚，即時打圓場，講華建都有同佢講希望佢繼續「keep fit」，令佢無論遇到咩情况都唔會「受驚過度」，亦有較好嘅抗逆能力，處理將來具爭議嘅政改工作。