新聞類別
港聞
詳情#
【明報專訊】保釣行動委員會喺8月成功登上釣魚島，成為國際焦點，近日又有新搞作。佢哋聯同美中國際人才交流基金會同美國錢幣公司，申請咗發行中國釣魚島紀念美鈔。紀念鈔係4連張嘅1元美鈔，上面印有釣魚島主島、五星紅旗同埋釣魚島嘅中英文字樣，話全球限量發行1萬套。紀念鈔聽日喺佐敦彌敦道298號地下同埋旺角砵蘭街好旺角購物中心發售，每人限購1套。紀念鈔雖然可以使用，但因為紀念鈔大多數都係限量發行，一般都有升值潛力，所以通常都會用作收藏。
美國兩機構允捐50萬
點解保釣行動委員會今次咁有心思發行紀念鈔呢？成員曾健成（阿牛）同Emily講，佢哋點會識得印紀念鈔，其實今次係上述兩間美國機構主動聯絡佢哋，話希望用保釣做主題發行紀念鈔，仲承諾會捐50萬元畀保釣行動委員會
回應 (0)
