張炳良第十個訪京局長

【明報專訊】呢排個個局長輪流上京拜訪，被人話似「面聖」，今日就輪到運輸及房屋局長張炳良，成為第十個赴京局長，「門常開」好似搬咗去北京咁。Emily數數手指，發現剩低民政事務局長曾德成同勞工及福利局長張建宗未上京，唔知佢哋幾時起行呢？


政府噚日發新聞稿話張炳良今朝出發去北京，禮節性拜訪鐵道部、交通運輸部及國務院港澳辦官員，隨行官員包括運房局常秘（運輸）黎以德、副秘書長潘婷婷同路政署長劉家強，聽晚就會返香港。


剩曾德成張建宗未上京

Emily問過局長會見邊個官員同傾乜嘢議題，不過局方就無講明，只係話到時局長會總結行程。