新聞類別
港聞
詳情#
【明報專訊】鄉議局主席劉皇發鍾意養馬就人人都知，不過，大家知唔知發叔公子劉業強（Kenneth）亦係相馬高手？Kenneth近日派出佢嘅愛駒喺呢個周日出戰浪琴表香港一哩錦標賽，呢隻「精彩日子」係Kenneth兩年前買番嚟，用咗百幾萬，喺香港出賽10次，5冠4亞認真唔嘢少。
拒售精彩日子 「可遇不可求」
Kenneth喺英國讀書嗰陣已經成日幫屋企人揀馬，呢隻「精彩日子」亦曾有人透過澳洲練馬師Stephen McKee向Kenneth求售。不過，Kenneth無放，佢話贏馬同代表香港嘅榮譽係可遇不可求，多多錢都買唔番喎。
點解Kenneth講到好似過來人咁？原來Kenneth喺1996年買第一隻馬嗰陣，曾諗過買後來成為香港馬王嘅「原居民」，但當時因為種種原因錯失咗，不過，Kenneth話佢會向前看，唔會覺得遺憾。
18、19歲留學嗰陣，就開始幫老竇揀馬，Kenneth又有咩相馬心得？佢話好嘅馬有唔同骨架，好似「精彩日子」比較窄身、有運動身形，不過能量、氣量同鬥志都好緊要。佢話反而愈睇得耐，就愈覺得血統無咁重要！
拒售精彩日子 「可遇不可求」
Kenneth喺英國讀書嗰陣已經成日幫屋企人揀馬，呢隻「精彩日子」亦曾有人透過澳洲練馬師Stephen McKee向Kenneth求售。不過，Kenneth無放，佢話贏馬同代表香港嘅榮譽係可遇不可求，多多錢都買唔番喎。
點解Kenneth講到好似過來人咁？原來Kenneth喺1996年買第一隻馬嗰陣，曾諗過買後來成為香港馬王嘅「原居民」，但當時因為種種原因錯失咗，不過，Kenneth話佢會向前看，唔會覺得遺憾。
18、19歲留學嗰陣，就開始幫老竇揀馬，Kenneth又有咩相馬心得？佢話好嘅馬有唔同骨架，好似「精彩日子」比較窄身、有運動身形，不過能量、氣量同鬥志都好緊要。佢話反而愈睇得耐，就愈覺得血統無咁重要！
回應 (0)
