林鄭放假赴英共敍天倫

【明報專訊】終於等到了！政務司長林鄭月娥上任5個幾月，幾乎日日都現身幫政府拆彈，仲話辛苦到度日如年，但都終於等到放假唞一唞，政府公布佢會喺呢個月12日（周三）至22日（周六）離港休假。林太會飛去英國，同丈夫及兩個囝囝共敍天倫。


林太同家人長期相隔兩地，家人長居倫敦，佢早前喺中文大學講座上話，工作辛苦時都渴望有個肩膀可以依靠。佢上個月去英國公幹，因行程太趕而無時間停一停見家人。


林太休假，連帶佢辦公室人員都休息歇一歇。佢休假期間，會由民政事務局長曾德成署理政務司長職務。