王維基不與支持者握手

【明報專訊】噚日《城市論壇》講增發免費電視牌照，現場壁壘分明，除咗有早前大跳《江南style》、反亞視嘅網民曾慶光有去，亦有撐亞視嘅「維園阿伯」文先生在場，不過雙方只係口角，無肢體衝突。


用普通話講嘢諷TVB

曾慶光噚日當然有發言支持城電主席王維基（Ricky），不過佢講得太快，Emily一下子都抄唔切，聽番錄音，原來佢話要打倒無綫霸權，又話TVB唔畀旗下藝人喺其他台講廣東話，因此即席用普通話講「我要說廣東話」。佢又趁Ricky離開時，高呼「加油，撐你，支持發牌」，仲伸出友誼之手想同Ricky握手，但Ricky似乎唔多領情，講聲thank you就坐車走。