家是香港頭炮全城清潔

【明報專訊】政務司長林鄭月娥、民政事務局長曾德成等官員，今日會宣布「家是香港」運動。「香港是我家」呢個idea早於90年代已有，當時因為六四事件後，香港出現移民潮，港府同港台搞咗個「香港心連心」運動，黃霑、顧嘉煇合作寫嘅名曲《這是我家》，相信大家都有印象。回歸後，港台喺2002年亦搞過「香港是我家」活動，搵顧嘉煇、李再唐改歌，再搵官員議員同歌星大合唱，睇番舊片，唐英年、林瑞麟、何志平、廖秀冬等都有「開腔」獻唱。


分4小組 部門首長牽頭

至於今日啟動嘅「家是香港」，頭炮係全城清潔大行動，問責官員周末會到各區宣揚衛生信息。「家是香港」有4個小組：「活力香港」、「潮流香港」、「關愛香港」同「清新香港」，由部門首長牽頭，「活力」係指全城運動，「潮流」照顧年輕人，「清新」同衛生有關，「關愛」係關心老弱基層等。成個運動做足9個月，直至年底。