醫局新「護頭」 憶「煲尿」學習歲月

【明報專訊】醫管局新任總護理行政經理、局內人稱為「護頭」廖慧嫺（Jane），噚日第一次同行家茶敘，暢談「那些年」做學護趣事。Jane話公營醫院做40幾年，入行初期護士服仲分紅、藍、黑三色，愈深色就愈資深，好似佢伊利沙伯醫院做新仔「紅衫魚」時，唔止尊稱黑衫護士做「大佬」，仲要為通宵更同事煮消夜，學埋點煲靚雞粥！

Jane話當年護士要讀課程比較短，只得6個星期，跟住就要入病房實習，所以學護對資深護士都必恭必敬，希望學多。好似佢通常會早半個鐘報到準備，例如提早幫糖尿病人「煲尿」，等「大佬們」一返工，就可以根據加熱後尿液顏色，決定病人用藥同用針。所以Jane都鼓勵家實習護士主動向資深姑娘取經，因為學唔學到都係靠自己﹗