誤傳講政改方案 人權監察急澄清

【明報專訊】近期有關政改方案嘅消息周圍飛，令到唔少政情版記者「草木皆兵」，噚日政壇就發生咗一單笑料，話說「人權監察」噚日下晝舉行定期內部會議，但係唔知點解畀人誤傳，話人權監察將會舉行記者會，講「普選方案」。事實係人權監察會傾真普聯提出嘅特首同立法會普選方案，但就唔係發表自己嘅方案。


人權監察仲特登向傳媒發出「急件」澄清，話噚日嘅會議係內部會議，謝絕採訪，叫大家多多原諒。Emily本住求真精神到訪人權監察辦公室，果然見到人權監察總幹事羅沃啟（圖），佢笑笑口指住門口貼嘅急件，叫Emily睇番份「急件」，認真搞笑。