大班：2017選特首

【明報專訊】政界不時會競猜下任特首人選，好似行會成員陳智思、前律政司長黃仁龍等都榜上有名。不過，噚晚網上就盛傳立法會前議員鄭經翰喺佢D100嘅網台節目宣布，佢將會參選2017年特首！Emily搵唔到鄭大班本人，但有份主持節目嘅公民黨毛孟靜就引述，當時佢係叫大班重返立法會，點知大班就話會選2017年特首，當大家話佢只係講笑，仲好心提醒佢，家宣布要計經費果喎，大班堅持佢呢個言論「係認真嘅」。


事源係D100嘅新聞一直都係向港台買番嚟，但港台唔肯賣佢哋《晨早新聞天地》嘅環節，仲向法庭申請禁制令，話7日內D100繼續播就會採取法律行動，大班就覺得公帑製作嘅節目點解唔畀得佢哋播，但港台就覺得佢哋同D100係競爭對手，大班噚日就叫Miss Mo稍後喺立法會跟進。


Miss Mo反建議大班重返議會自己爭取啦，點知大班大雞唔食細米，話自己會參選2017年特首選舉，究竟有幾真，留番畀讀者自己判斷啦。