民建聯騎劫吳克儉？

【明報專訊】民建聯噚日喺北區搞小一校網新機制座談會，搵咗唔少區內校長、家長出席，仲請埋教育局長吳克儉做嘉賓。


不過，Emily聽聞，局長前晚呢頭仲考慮緊，民建聯嗰頭已經發咗傳媒邀請，白紙黑字講明局長會去，仲幫局長安排咗時間幾時出嚟Stand up，搞到局長唯有畀面「焗住」出席。


據Emily了解，局長一直打算落區答謝北區校長夾手夾腳幫手，解決咗今年學額不足嘅問題，所以考慮應民建聯邀請順便公布新機制，點知民建聯咁快公布佢可以出席，雖然時間有啲緊，但都叫主辦單位改時間配合下。


局長叫葉國謙「謙哥」

噚日個場合因為係民建聯主場，唔少民建聯猛人都有出席，除咗見開嘅幾名民建聯區議員，其中有主持人稱為「北區之寶」嘅劉國勳，仲有忽然落區關心派位嘅立法會議員葉國謙