田少款待遊船河 葉劉會申報

【明報專訊】人稱田少嘅自由黨黨魁田北俊（左），早前邀請建制派一齊坐佢嘅遊艇出海去西貢遊船河，新民黨主席葉劉淑儀（右）噚日就喺facebook上載咗唔少喺遊艇上影嘅靚相，見到佢同田少嘅短褲look！葉太話，之前部分行政會議成員同立法會議員偕家人一齊接受國泰航空款待遊法國，當時佢就係喺田少隻艇上，而由於田少嘅「船河」雖有傾吓政事，但算係玩樂行程，所以佢都會向立法會秘書處申報喎！

今次葉太唔止自己去，仲帶埋個女同部分立法會議員助理一齊去。葉太話估唔到平日官仔骨骨嘅田少，玩起上嚟同年輕人打成一片，大家仲一齊「摸蜆」，覺得田少好有童真咁話。今次行程由田少安排，起點白沙灣，去大浪西灣，其間經過萬宜水庫。葉太囡囡Cynthia喺萬宜水庫附近仲上咗岸同田少玩