張震演講 談江南Style文化

【明報專訊】台灣型男明星張震、搞鬼海洋公園主席盛智文，同潮爆「江南Style」原來可以溝埋一齊。由一班商界二代組成嘅香港菁英會，今年同博鰲亞洲論壇會喺9月9號於灣仔會展合辦「2013博鰲青年論壇（香港）」，請咗曾經參演《一代宗師》嘅張震同埋盛智文，上台同商界年輕人分享「江南Style」嘅文化影響，唔知到時會擦出乜嘢火花呢？不過Emily最希望睇到佢哋兩個可以一齊跳「江南Style」。


今年論壇主題為「創意青年 創新亞洲﹕攜手共創美好未來」，仲有超過20個中港外地嘅政、經、商、文化領袖同學者擔任論壇講者，好似劉明康、林建岳等，嘉賓將會討論亞洲文化、教育同經濟三方面議題。當日嘅論壇免費對公眾開放，有興趣嘅朋友可以去博鰲青年論壇網頁（www.boaoyouthforum.org）報名。