羅健熙﹕「點解搞到咁激呀？」

【明報專訊】「和平佔中」的幾位發起人，現正準備把理念在社區落地開花，擴散到不同群體。


對一些香港市民而言，有些會對佔中運動的質疑有共鳴，例如，「點解搞到咁激呀？」因此，落區講解佔中理念，爭取市民的理解和支持就變得異常重要。


落區以外，支持和平佔中運動的朋友，也不妨試試跟家人談談？

「點解搞到咁激呀？」

「其實有邊個想搞到咁，但拖咗咁多年，再唔加大力度，真係無法落實普選喇。」


「都唔使用到呢一步呀？」

「睇來睇去，都好似冇乜其他方法可以用喇。你覺得仲有咩其他方法？」


「大家傾吓嘛，總傾得掂嘅……」

「但之前都傾咗好多次喇，佢真係肯傾、有誠意傾，就唔會拖到家，唔會搞到呢個地步啦。你話係咪？」


「但你家好似用刀『行』住自己，要脅佢咁喎……」

「有個小朋友成日唔交功課，有一日個老師同佢講，話仲唔交的話就陪佢一齊留堂做晒先走；你會唔會話個老師係用刀『行』住自己嚟要脅個細路？」

分享一點最近在社區的觀察。我感覺到市民對政府很強烈的怨氣和不滿，但將這些怨氣和不滿，與政制改革、「和平佔中」拉在一起來討論的卻仍然很少。


香港市民對大規模的「非暴力抗爭」概念掌握不算很多，過去亦較少相類似經驗可借鏡。稍稍接近香港人生活經驗的，可能已經要數到2006年的台灣紅衫軍。這次經驗很值得我們去仔細研究，也值得跟市民分享——到底大規模的群眾運動會是如何？


說起紅衫軍，我們會記得的，是那過百萬穿起紅衣的台灣人，把整條凱達格蘭大道和總統府附近路段擠滿、「癱瘓台北」的場面。


回想一下，當時好像沒有多少人問過「點解搞到咁激呀？」呢……

作者是民主黨副主席、Roundtable Community副總幹事