「懷念」盛品儒接4投訴

【明報專訊】唔知係咪市民對ATV已經死心到投訴都慳番，有別去年12月《ATV焦點》及《關注香港未來》兩個節目惹來4.4萬宗投訴，本周一亞視不停播放讚揚盛品儒「犧牲小我、成就大我」嘅MV式短片，以及《ATV焦點》點名批評反亞視嘅議員毛孟靜，合共「只」收到10宗投訴。


涉及周一嘅投訴主要涉及「6宗罪」，包括唔滿意亞視公器私用、強迫市民接收信息、內容偏頗失實等。通訊局噚日就話，嗰條懷念盛品儒嘅MV片收到4宗投訴，指佢「公器私用」、「不停播放，強迫市民接收信息」，同日嘅《ATV焦點》收到6宗投訴，認為佢「言論尺度超越個人意見節目」、「內容偏頗失實」、「誤導觀眾」同「損害他人聲譽」。


至昨日為止，通訊局同行政會議秘書處都未有收到亞視上訴嘅通知。