天喔推介會 自家飲料任飲

【明報專訊】新股做路演好多時都會搞吓噱頭，做飲品同包裝嘅天喔（1219），噚日直頭帶埋5部雪櫃去酒店，入面放滿晒自家品牌奶茶、果汁茶同水。場內仲擺咗好多零食，畀班投資者任攞，推廣產品之餘，仲畀到貼心嘅感覺。


之不過，唔知係咪班投資者個個都飲飽食醉，完咗之後唔算好多人去攞，結果仲剩咗好多喺度。反而唔少投資者話對抽新股嘅興趣大啲，話會返去研究吓咁話。招股文件顯示，天喔招股價介乎3元至3.15元，每手1000股，入場費要3181.75元。