海洋公園八五折益港人

【明報專訊】又到萬聖節，海洋公園噚日公布今年「哈囉喂」活動詳情。今年哈囉喂首次搞「全日祭」，成人320元、小童160元就可以由朝早10點玩到夜晚10點。若果出示香港身分證，仲可以有八五折，272蚊就可以玩足全日，抵過舊年280元玩一晚。


持FastPass快證就628元，可優先進入全部16個景點。今年啲景點分「輕量級」同「大膽級」，適合唔同膽量嘅遊客咁話。海洋公園主席盛智文話，由於延長開放時間，預計今年哈囉喂入場人次會突破80萬，多過去年嘅72萬。